|
|
 Почеток
|
|
ПОВИК ЗА ДОСТАВУВАЊЕ ПОНУДА за набавка на ваучери |
Здравствениот систем во Северна Македонија со години се соочува со сериозни
предизвици поврзани со коруптивни практики, кои го намалуваат квалитетот и
достапноста на здравствените услуги. Истражувањата укажуваат дека граѓаните, а особено
жените од маргинализираните заедници, често се изложени на директни или индиректни
барања за неформални плаќања, непотизам и дискриминација при пристапот до
здравствена заштита. Овие појави не само што ја поткопуваат довербата во институциите,
туку создаваат дополнителни бариери за еднаков пристап до основното човеково право –
здравје.
Корупцијата во здравството има и изразена родова димензија. Жените, особено оние
кои живеат во сиромаштија, во рурални средини или кои припаѓаат на ромската заедница,
се соочуваат со двојна нерамноправност: од една страна поради нивниот економски и
социјален статус, а од друга поради родовите стереотипи и дискриминаторските практики
во институциите. Непостоењето ефикасни и доверливи механизми за пријавување
дополнително ја засилува нивната ранливост и создава чувство на беспомошност.
Постоечките механизми за пријавување корупција се недоволно функционални, со
ограничена транспарентност и слаб капацитет за постапување. Институциите ретко
обезбедуваат јасни информации и поддршка за граѓаните, а здравствените работници
немаат соодветна обука за етичко постапување и справување со случаи на корупција.
Истовремено, јавната дебата за оваа тема останува ограничена, а медиумите често
известуваат на начин кој не ги препознава родовите аспекти и штетните последици за
ранливите групи.
Проектот „Посилен систем за поправедна здравствена заштита: Намалување на
корупцијата“ е дизајниран да одговори токму на овие проблеми. Тој има за цел да ја зголеми
отчетноста и транспарентноста во здравствениот систем преку зајакнување на жените и
граѓаните да пријавуваат корупција, јакнење на капацитетите на здравствените работници
за препознавање и превенција на коруптивни практики и зајакнување на
институционалните механизми за постапување. Преку едукативни активности, јавни
кампањи и застапувачки иницијативи, проектот ќе придонесе кон создавање систем во кој
граѓаните ќе имаат доверба дека нивниот глас е слушнат, а нивните права се заштитени.
Проектот е поддржан од Француската Развојна Агенција - Expertise France.
Здружение Женски Форум Тетово поканува заинтересирани правни субјекти да
достават понуда за набавка на ваучери, за потребите на проектот:
„Посилен систем за поправедна здравствена заштита – Намалување на корупцијата
во здравството“, финансиран од Expertise France.
Посилен систем за поправедна здравствена заштита:
Намалување на корупцијата во здравството
1. Предмет на набавка
Набавка на подарочни ваучери во вредност од 500 денари по ваучер, наменети за
учеснички на работилници.
Набавката ќе се реализира сукцесивно, согласно потребите на проектот.
2. Услови за понудувачите
Понудувачите треба да обезбедат:
- ваучери кои може да се користат во нивната малопродажна мрежа;
- можност за користење од физички лица;
- дефиниран рок на важност на ваучерите;
- можност за издавање фактура;
- усогласеност со барањата на донаторот.
3. Содржина на понудата
Понудата треба да содржи:
- основни податоци за компанијата;
- опис на ваучерите (начин на користење и рок на важност);
- услови за издавање и испорака;
- контакт лице;
- изјава или потврда дека понудувачот ќе потпише Изјава под заклетва за
критериуми за исклучување и отсуство на судир на интереси.
4. Критериуми за избор
Изборот ќе се изврши врз основа на:
- достапност и практичност на ваучерите;
- услови за користење;
- рок на важност;
- претходно искуство/соработка (доколку има).
5. Рок и начин на доставување
Понудите се доставуваат на адреса: ул.Никола Тесла бр.6 Тетово
Рок: 23.04.2026
6. Изјава под заклетва (задолжителен услов)
Избраниот понудувач е должен, пред склучување на договор, да достави потпишана
Изјава под заклетва за критериуми за исклучување и отсуство на судир на интереси,
согласно барањата на донаторот.
Недоставувањето на оваа изјава претставува основ за неизбор на понудувачот.
7. Дополнителни информации
Организацијата го задржува правото да избере понудувач кој најдобро одговара на
потребите на проектот.
Дата: 16.04.2026
Здружение Женски Форум Тетово
|
| |
|
|
|
Untitled Document
 Фото галерија
|
|
|
|
